極速ko婚戒(完)

上回講到我們極速就買了婚戒，今天也極速去取貨了！

但昨晚買完回家，未來奶奶原來對婚戒有意見，然後把Brian教訓了一頓，話戒指要保值，應該睇下現在金價買到幾多金之類先好買……話我地買這些一口價騙人。不過正常都不會把婚戒賣掉吧？總之未來奶奶搞到Brian好火。我想是上一代跟新一代有點代溝吧？相反，我今早問我媽她的婚戒放那裡了，她居然答不記得……仲話自己好憎戴戒指，我果然是她親生的XDDD

放工約埋Brian去沙田，再去呢間沙田小店，店員都好快手拎比我地，仲即場刻埋字，師傅在場，數分鐘就搞掂晒！不過等的時間sale姐姐見到張單話粒石的卡數寫錯左，係0.03不是0.3……我心諗，係咪昨天有心玩野騙我們……然後見我們夠水魚又老老實實咁寫返出來？幸好我根本不放這些數字在心上，要不然應該會被納入黑店。但昨天都明明講到搞掂會主動致電給我們，但最後都係由Brian主動打去問有無得拎！今日連水都無杯，不過買完就算，反正都不是我放在心上的結婚項目。(我腦內還是在跟那個想繼續影pre-wedding的自己搏鬥中)

看著Brian戴婚戒的模樣，我竟跟他說，你戴了戒指的樣子好老！！！係我心目中，只有阿叔阿伯先會戴戒指……orz 臨走時，做晒鑽石測試，正打算塞返隻戒指落個盒之前，Brian做了個超無聊舉動，他丟隻戒指落張枱度，佢話要睇下隻戒指會唔會碌走(囼)……如果我真是白痴，我肯定他要比我白痴幾倍……我們這對新人的思想果然不是一般地球人可以明白的……

拎完呢件價值一次pre-wedding的戒指後，我們去了IKEA吃晚飯，之後走左上去沙田新城市個空中花園睇燈飾，Brian說跟我來這些地方不會浪漫，因為我根本就是個毫無浪漫的人！我們做的都全是滑稽無聊的行為，一個負責拿手機出來自拍，另一個開手機個電筒出來打燈！連在場工作人員都笑我們，說影得咁辛苦不如幫我地影！我仲同佢講我地正進行用iphone打燈影相的實驗……

可能近得火星人太多，我覺得自己都愈來愈騎呢了……總之，回家拎左婚戒比我媽睇，佢話簡簡單單幾好，佢真係除左要擺酒其他野都無所謂。