日常閒事 琪琪宅急便

婚後小生活 - 終於買左Dyson吸塵機

2017.01.09 | 生活: :日常閒事 Leave a Comment

話說我成日係屋企做絲花花球,屋企就會出現好多絲花碎,而我即使用掃帚都好難完全清理。

而我家男人完全是流著家政魂的血,對家事之執著比我認真,因此由往年開始已一直說要買部Dyson吸塵機。其實我自己一直無研究這是甚麼東東,反正他比錢的話買甚麼都沒所謂啦,但他又說在香港買好貴,要去amazon買!但講左成年,又話美元價位不夠平,又話要運費寄香港唔知點搞,總之就是一直都舉旗不定。

然後到了十一月,淘佬的雙十一讓我想起有無可能從內地廉價購入一部,但結果是不肯寄給香港的⋯⋯之後看到一位靚太介紹在感恩節廉價買了一部V6 dyson後,就問了她關於美國網購的事。因為一直只有玩淘寶,衝出國際網購還是第一次(但基本上我知道這裡大把人都玩了好多年)。但計過數係感恩節直接網購一部回港真係超.級.抵!

由於我老公係指名要一部紫色的V6,所以感恩節特價那部V6 animal就完全岩晒我!(聲稱減了US $100)而且感恩節還額外多送3個配件!最後就膽粗粗試左第一次網購!不過Dyson個官網怪怪地,唔可以直接用信用卡比錢而一定要用paypal!

不過美國網購包郵只在美國境內,運返香港還是要靠集運,最後就是用了靚太教的us-ex美国快递公司運返香港,呢間公司直接去佢個倉拎真係最抵最平,有些朋友可能覺得好遠(係九龍灣的海邊)但因為老公係牛頭角返工,所以佢放工可以直接行過去拎(係取貨時間真係好難配合)

感恩節落單,由美國買完到運返香港大約用了兩星期。不過收到後發現額外送的三個配件無係埋一齊!結果要自己send email再問Dyson佢先send返比我,無啦啦搞左兩次集運⋯⋯幸好最終都收齊所有野!而呢部V6 animal有掛牆座加五個頭,再額外送了三個共有八個頭可用,而網購連運港費用只係用了$26XX!!!完全岩晒老公的budget(佢希望係做到$3000以下)連最後揾水貨買都不用了⋯⋯不過唯一問題就係無香港保養。


其實除了美國dyson,歐州dyson都一樣有便宜,但如何在那邊網購我就暫時未去了解啦⋯⋯

美國集運網:http://us-ex.com

婚後小嘗試 – 熱愛大自然的pre-wedding

2015.01.31 | 生活: :日常閒事 Leave a Comment

看到這裡又搞free pre-wedding,不過又無靚太份。最近仲見到叫人share香港拍攝靚景點?香港有好多好地方已經因為比傳媒大力宣傳而摧殘,如大東山、大棠,到了秋冬就旺過旺角。最近因為出現了藍眼淚連三門仔都淪陷了。

宣傳靚景唔係問題,但大家從來都無想過靚景需要愛護,一窩蜂衝去影相卻把景點極速摧殘,這就是想影獨特靚景的惡果。

早幾日跟了一對新人去影相,他們去的自然景不算好獨特,但勝在無人,我想,即使是冬天,也未必有機會看到無人泳灘,但那天真的去了一個無人泳灘,成個場得我地幾個任影,好舒服!係比海風吹左成粒鐘有少少凍,流晒鼻水⋯⋯

另一個拍攝地點也是沒見過有新人去影,而且也不是想去影就有機會。拍出來好有country feel,好靚,好希望有機會再來,但我無錢錢⋯⋯不要問我在那裡,免得又話我賣廣告了。

最後還去了一個碼頭,是我介紹過給一對新人去的。但事實我也是上wow才認識那個地方。原來香港還有那麼多美好的自然景,真的要好好保護呢!

放幾張相給大家估下吧!

婚後小生活 – 2014 Christmas Dinner

2014.12.24 | 生活: :日常閒事 Leave a Comment

今年是婚後第二個christmas,如往年一樣,已婚同住唔洗出去食比人掠一筆,今年繼續自家搞聖誕大餐!不過做完有種覺得自己玩自己的感覺。放工回家花了兩小時去整,有得食時已經謝左,然後洗埋碗已經十一點幾⋯⋯
雖然煮飯仔好開心,不過真係花時間同心機。今年的質素都還可以,希望出年再有新突破!

P.S. 肉方面都由老公整,漢堡扒是老公手製而不是在外面買的呀!而自己就負責配菜及伴碟設計,還有牛油焗帶子同洗碗 XD

本年的聖誕大餐餐單:燒汁肉眼扒,牛油焗帶子,茄蓉燴漢堡扒,蕃茄意粉

最後祝各位聖誕快樂!

婚後小生活 – 終於到我地紙婚紀念啦!

2014.11.23 | 生活: :日常閒事 Leave a Comment

原來那麼快就已經結左婚一年啦!真是難以置信,時間過得咁快!由於紙婚這天是星期一,所以專登和老公請左一日假,但結果呢日出奇地過得好平凡……反而之前為了這天的來臨搞了好多活動,如十月中去自拍post-wedding,11月23日走左去迪欣湖自拍櫻花……

為何要去迪欣湖影這棵樹呢?事緣兩年前籌備影其中一輯pre-wedding時發現了這棵樹,可惜到我二月份去影的時候花兒已謝了,甚至攝影師還告訴我這棵樹只是PS效果,那個地方根本沒有這棵樹。

一年前繼續跟它無緣,因為這棵樹的花期太接近自己的big day。結果等到今年,終於得償所願,見証了這棵樹確實存在香港。其實之前不知道這樹的名字,我都叫它做香港「櫻花樹」。

原來「櫻花樹」真名叫絲木棉,別名叫美人樹,香港公園,南蓮園池,荔枝角公園都話有種。「櫻花樹」花期大概是十一月時份,有興趣去這裡影pre-wedding的朋友明年要早點準備了!
請見諒本人化妝技術有限:P 沒人幫手的自拍確實好難影得多及有水準,自拍野餐照心願又要再等下次了⋯⋯

正日最後的活動竟然是去了一田血拼!!因為老公有些衣物要買,所以諗住去一田睇下有無平靚正的款,起初以為星期一應該比六、日人少,怎料一樣那麼人多……多到驚!不過其實好大部份的人都是說普通話的……

最後戰利品比想像中多,自己也買了三件衫,老公買了衫和西褲。想不到入一入去就逛了三小時!主要因為人多想行得快都無用……之後去埋大百佳買餸,又係到處聽到普通話……唉,沙田新城市已經完全被大陸人佔領……

由於沒想過花了那麼多時間血拼,原本打算外出吃飯慶祝都改回家打邊爐算了!

晚上還拆了爸爸送給我的結婚週年禮物,係一部新的無反相機!雖然不是「女朋友」,但一樣說日文的!謝謝爸爸,我會好好珍惜,多學點自動mode以外的功能的!

昨天在fb post了很多閃光相出來!在這裡也post一下吧!另外,我們結婚的紙版公仔到一年後還原整無缺,泡都無起呀!

婚後小生活 – 自拍post-wedding的願望成真了!(化妝及拍攝篇)

2014.10.29 | 生活: :日常閒事 Leave a Comment

上集講到最終決定自拍post-wedding,場地也在其中一間揾過的攝影公司租用的影樓拍攝。

九月中時已向埸地那邊落訂,鑑於之前同其他新娘影相的經驗及婚前數輯拍攝經驗,都遇左影成日至夠,所以大約book了6小時,但錢就遇定8小時,等OT時夠用。最後實際是有2小時係用來化妝,拍攝則估計用4小時。

但因為十月頭去了旅行所以其實我接近對今次post-wedding零準備,道具也只有氦氣球同字母。另外是九月尾再去染髮修齊一下頭髮就算。鳴,其實我很想找大婚時幫我染髮的朋友幫我染,那次連我的MUA Anna都讚染得好靚(而價錢是$100有找),但八月想再找她時得悉她手痛不想再做了……唯有出去找其他髮型屋染,效果麻麻不過都算便宜。

今輯相的妝容找了和我們合作開的Kristy幫忙。Kristy在wow原來都有不少人氣,這都是我們開始幫人拍攝才知道呢!其實認識Kristy都在wow,當年做過她的練妝對象,也覺得她化得不錯,重點是沒有把我化老了,保持少女的甜美樣子!(因為從前有試過太多把我化得老了好多…) 所以今次很放心交比Kristy幫我化妝~而且同Kristy一直合作拍攝都看到她不斷進步呢!

當日Kristy幫我整左三個造型,因為我婚前及大婚當日都從未試過穿婚紗紥髻,而我當日又要求想影少少頭紗相,所以紥髻就比較好啦!當然老公對於我紥髻就是沒興趣,所以才會由pre-wedding到大婚都沒穿婚紗紥髻……但出奇地大婚當日她很喜歡我的褂look。

拍了一些照片,很快已經過了不少時間,未有機會拋頭紗又要急急換放頭髮的造型。之前幫一班新娘拍過一些訓地獨照好靚,這個造型最想就係影返一張類似的相。所以要求要有一些花花做頭飾,因為不想影出來太白。這個造型如果有多些前陰遮面應該會更好,現在都嫌面好大,但訓地相的效果卻好靚!

跟老公當日最喜歡最後一個造型,我的豆沙色晚裝也終於出場!我想把頭髮放一邊的造型是最適合我,化過那麼多次妝都無試過不滿意這種放側馬尾的造型!可惜這個造型出場得太遲,結果不算影了太多相就結束了是次拍攝。

始終,自拍的難道就是,要不停來回睇每一個場景的相,不好就要不斷翻拍。這樣用的時間會比有專業的攝影師幫忙為多,雖然當日有叫了朋友幫忙按快門,但他始終不是專業攝影師,有什麼問題都是要靠自己雙眼去睇再指導他。但多得他幫忙,一些自拍很難拍到的角度都算叫影到!

實在要感謝當日來幫我的Kristy及老公的朋友Wing。無他們當日都不能拍到好相,當然老公的器材指導都很重要,他不合作set好器材又做麻豆就拍不到當日的照片啦!

不過拍完仍然會想再拍,真係一個無止境的深谷……哈哈!另外因為出了免費6×6″ photobook便決定買本來曬返當日的post-wedding相,隔左成年無排過婚紗相啦!又可以過下手癮了!