婚後小生活 – 自拍post-wedding的願望成真了！(準備篇)

婚前其實都已經影左好多輯婚照，但當時已經想過婚後都要再影post-wedding。

當然婚後數個月仍然在享受新婚的快樂當中，但偶爾上facebook看到一些靚婚照仍然會想去問下價，因為婚後一直都不忘思考要再影post-wedding。

之後在wow看到一位新娘子share過一件豆沙色淘寶晚裝，超靚，很喜歡！好想著一次！但連運費的話要$8xx，為左一次post wedding而買又覺得好貴(而且當時都未有任何影post-wedding的方向)。幸好之後有新娘放售了這件二手晚裝，也很慶幸自己買到(其實買完都仲係未有任何影post-wedding的方向)！所以post wedding服裝一早就決定了再影自己big day婚紗及這件新入手豆沙色晚裝(其實我件敬酒裙都想影…但時間關係最後沒決定穿，希望之後還有機會吧！)

決定了服飾之後又是繼續煩腦要去那裡影post-wedding及找什麼公司的時間。鑑於選擇了的兩件婚紗都是拖尾的，但又不想影完再去洗一次婚紗，所以很快修正了拍攝要去studio，然後開始向有studio的攝影公司尋找。

以下是幾間問過價的攝影公司，也曾考慮，但最後擔心影唔到想要的效果及希望最低成本解決而自拍。

1) Lxx Photography
外拍包車包衫包化妝，超值價錢！而且室外及室內都可以影。唔要衫無減錢……不過是年頭問，現在可能已加價，曾非常心動過，但老公無反應。

2) Rxxx Gallery
相好有mood，價錢超值！但又係年頭問，聽說現在已加了不少價，因為價錢而心動過，但嫌人造色素太多，老公依舊無反應。

3) Mxxxxxx Photography
有室內studio package，如果我未婚影pre-wedding我覺得好抵，有相簿油畫送埋，但影post wedding不需要簿油畫，問了唔要硬件減得唔算多錢。佢portfolio show出來間studio好靚！後來知道了這間studio原來有外租，價廉物美，最後也成了我拍post wedding的場地。

4) Fxxxx Oxx Photography
相片風格走韓風，都覺得好吸引，不選擇原因同上，唔要油畫相簿減得唔算多錢。

其實講左咁多間，老公都係無反應，簡單一句佢一蚊都唔想比……所以年頭找了幾間公司之後我都把post wedding閣置了。

然後四月初我直接把想拍攝的慾望推動到拍其他人身上，也指使他陪我去影！

直至年尾，逼近了自己的紙婚，終於找回一個藉口要重拾拍post-wedding。當然由始至終搞呢壇post wedding都係我一廂情願，費用都全部由我自己比(包括化妝、服裝及租場) 唯一他肯做的就是陪我影，做我的攝影師，因為他真的好有表演慾。

所以最後我選擇的攝影公司就是Somepig.Lab請了這裡的首席攝影師同我拍post-wedding！順道也請了他當麻豆！另外也邀請了跟Somepig.Lab合作開的化妝師幫我化妝，下篇再講。