Blog > 生活 : : 有感而發 > 回應50個男生要女生知道的心事

回應50個男生要女生知道的心事

2003.12.20 | No Comments

50個男生要女生知道的心事,其實,這真是一件陳年舊文了……而且也有不少著名人士寫過回應,出現了五十條女生要知道男生的心事。但不知為何,自己昨天無意之中再次看到,突然覺得無名火起!愈看愈覺得那個男生那樣寫不知所為,竟能夠寫出這樣難以入耳的五十條無聊事件。可能魔女比較古怪吧!覺得有的女生回應事件不似是本人風格,因此小妹想針對部份心事作出一個由小妹自訂的魔女個人版回應那不知所為的男生所寫的50個男生要女生知道的心事。(若有得罪任何男生煩請見諒!)我要重新一次,我的回應僅待表魔女個人古怪的作風,可能大部份正常女生不認同的。(反正最近好無聊!找些東西玩玩吧!)
魔女個人版︰回應部份男生要女生知道的心事


01) 「喊」即是威脅我。 (笨蛋!我擺明就在威脅你啦!難道你一點都看不出嗎?)
02) 我唔會每秒鐘都掛住你,你要接受這事實。 (我都唔會每秒鐘都掛住你,大家咁話。<---引用帶銀公主之文 ) 03) 我見到靚女一定會望,這是天生的。 (我見到靚仔都會望,除了天生,也是專登有意望的!) 07) 你最好都有自己的目標和理想。 (我自覺我的人生目標和理想比你更加清晰,你最好得閒多點自我檢討還實際!) 09) 唔好問我覺得你靚唔靚。 (我只會問人我可唔可愛。) 10) 我對你用甚麼化妝,護膚品無興趣。 (唔好意思,我係唔用化妝品的,因為我唔化妝都咁靚!簡單就是美,你沒聽過嗎?我對護膚品都無興趣。 ) 11) 唔好迫我塗潤唇膏。(唔好意思,我自己都唔會記得塗。又點會叫你塗呢?應該你要主動提點我吧?) 13) 好多時答 YES 或 NO 就夠了。 (老師教,唔可只答YES or NO,唔解釋無分架!) 14) 「唔知呀,你話啦!」唔係答案。 (你咁講,咁乜先係答案呢?) 18) 你一係就話俾我知你想我幫你做咩,或者點樣可以完成。唔好又叫我幫你做又要教我點做。 (我向來對我要求一個人做事的態度都好清晰,我一邊教你做係因為我發現你根本不明白我在說什麼!你不明又不出聲問我,總是喜歡逞強!我想你應該檢討一下你的接受能力是否有問題還來得實際。) 19) 十二歲以下的女孩才有權扮 CUTIE。 (我的樣子根本只有十二歲,絕對有權扮CUTIE。) 20) 可以的話,自己換麥當勞送的公仔。 (我會自己換呀!不過錢你要照出之嘛!) 21) 手袋可唔可以唔掛「啷啷」,毛公仔? (我掛乜關你乜事呀?比你咁講我咪無晒個人風格囉?你一點個人style都無的嗎?) 22) 可唔可以唔同我討論電視劇同 HELLO KITTY? (本人身平最討厭看無記的老土電視劇,才不會討論,最好你別在我面前提起!本人也討厭Hello Kitty,我只會跟人討論卡通片情節。) 23) 唔好叫我幫你挽手袋。 (我幫人挽東西多過你吧?) 24) 唔好批評我的兄弟老友。 (我係喜歡批評呀?唔得呀!到你誤入歧途時唔好走來話識我!) 25) 大庭廣眾怕醜、唔出聲不叫斯文。 (放心,我只怕我說話多到你怕了我,叫我收聲!) 26) 唔好成日話「我d friend話咁咁咁」,你d friend 點諗,關我咩事。 (係唔關你事,但我想你聽呀!你叫我收聲我都會照講架啦!) 29) 有無一樣運動你懂的呢? (我雖不懂游泳,但踏單車,打羽毛球,踩Roller和溜冰我都懂,我可是教曉過幾位男生玩這些玩意的!) 30) 你可以唔識打機,不過最好俾我打。 (你最好講清楚你打乜遊戲機的,唔講清楚你點知我唔識打?我除了我姐,暫時在Typing of the Dead未輸過比任何一個人,特別是男生,你最好有點自知之明!) 31) 我唔使減肥,所以唔好阻止我食 JUNK FOOD。 (JUNK FOOD你最好不要跟我搶來吃!雖然我討厭吃零食) 32) 唔好要求我做道明寺。 (我只要求你扮天澤聖司!道明寺咁無頭腦我才不要你扮!) 33) 溫柔不等於依賴。 (溫柔是關心。) 36) 無主見不等於尊重我。 (我個人是好有主見的,我希望你比我更有主見!) 37) 遲到不等於多人追。 (你最好早到半小時,因為我向來都早到十五分鐘等人的!遲到時請別說你睡過頭,那根本不是理由,最好也記得道歉!<---這是給我所有男性及女性朋友知道的!魔女平身也非常討厭遲到的女生) 38) 你打扮得太誇同我去街我會驚。 (你打扮得很求其同我出街我會覺得你好Cheap!) 43) 是不是任何時候任何場合都需要化妝? (我重新一次,我不化妝的!請你好好記著!) 44) 唔好三句唔埋又話要減肥。 (我向來只說要增肥增高!) 45) 不要在公眾場合怪叫或大驚小怪。 (請你不要在公眾場合做些騎呢動作來嚇我及其他途人!) 47) 我都會有女性朋友。 (我有太多男性朋友了!請你給我好好記著他們的名字!因為我主要只跟男生交朋友的!) 希望看完後你不會對我反感吧?魔女做事作風向來古怪,回應這些條文,主要是讓各位朋友對我了解更多!看完後,大家都會認為我是一個野蠻女孩吧?想找個對我好的男孩,似乎不易呢!唉,只好繼續努力呢!我相信,天澤聖司仍會出現的……(仍舊幻想中)

Comments are closed.