第一次試衫

其實訂了酒席後都無去理會那些酒樓送的優惠，只知有其中一間大型婚紗店的婚攝套餐送。之後同Eddie吃飯聽到大學一位即將結婚的同學跟我一樣有酒樓送的優惠券，從她口中才知道原來有有效期……她就是過了有效期所以沒去影。這個消息又讓我拿拿聲去揾返Brian找回所有酒樓優惠券出來睇一次。

最後發現那個婚攝套餐所謂的送所包的東西係好少野，要正正常常得到一本相冊要另加$4XXX，聽完已經不想去影！

不過經這一看看優惠後都取了部份用得著的回家慢慢研究，最後便想約媽媽陪我去那間金鳳凰看看，因為有平價租衫優惠送。

星期六一早跳完舞就約了Brian去理大影相做定pre-wedding reference，怎料卻落狗屎！而且原定去舊can吃飯也去不到，現在入canteen要查學生證！但總算叫影了少少相做reference，希望用得著。之後就和媽媽及Brian打算一起去金鳳凰睇衫，結果到去嘉連威老道附近，看到有間婚紗樓上店，無啦啦就無預約走了上去試衫，結果免費試了四件，有件淺粉紅晚裝都幾喜歡，間野的衣服及服務態度都不錯！而且因為第一次試真係什麼都唔知……但試完感覺良好價錢又不貴，可以考慮考慮。反而金鳳凰就要下訂才可以試衫，否則要比錢，服務對比度太強！結果只用優惠免費訂了件裙褂，其實佢有好多款裙褂要加錢先租得，但我反倒睇上件唔洗錢租的款，就是喜歡佢簡簡單單乜都無，完全係搞搞震無幫襯！又食又拎但又唔比錢！