Blog > 分享 : : 電影 > 死亡筆記

死亡筆記

2006.08.11 | No Comments

今天一早叫了Brian去UA買死亡筆記戲票,怎料自己因為貪睡的關係明明醒了又再睡,結果九時才起床,以最快速度出門時都差不多九點半,但我卻是看九時四十分……出到去等車時又因避雨無排隊被人先上了架小巴!結果去到都九時五十分……幸好衝入去時才剛剛出電影公司logo,多虧UA的十分鐘廣告時間搭救,沒有miss到任何一分鐘。
 
我不知道這套死亡筆記斬開兩部份都係L vs 夜神……一直以為第二部就係另外兩個細路大戰夜神!搞到最尾影住夜神同L對望便完時便話完即時發出噓聲!場內仍有大班人大叫「頂」!套野係南空直美那段把原著改了一點,難怪呢個明明係大配角的人物要搵瀨戶朝香出來拍,總算有少許驚喜,相信沒看過漫畫的人都會感到不錯!不過扮夜神月那位人兄唔係好得囉……忠奸扮得不夠分明,又唔靚仔,又肥仔,完全做唔到夜神月那種感覺,相返呀L都扮得幾似,不過L的小動作較多,的確易扮少少,最喜歡最後跟夜神月對望時吃著原味薯片。
 
其實上星期都看了魔盜王續集,不過又係無結局,這陣子的電影都喜歡整幾集你等下咁……乞人憎!
 
看完電影去了Pizza Hut吃午飯,個意粉真係太重手,好咸!
 
幾天前去完深圳消費,真係好玩!係上面吃壽司真係好便宜!超級讚!跟家人一起逛了那個什麼動漫城,店子比較少,賣的東西又差不多,不過都有兩間賣cosplayer衣服同一間賣lolita衣服的店,原本想買一件水手服連身裙,卻因大陸手工問題我穿不下,是袖口問題,不是我條腰著唔落!最後改買了件水手服外套同兩條黑白蛋糕裙?可以自由搵一些喱士衣服變成半個lolita了!@@ 由於對lolita的衣服無研究,也無想過要著到完完全全lolita,不過很喜歡喱士,所以自組一些普通衣服及蛋糕裙來搞個似是而非的個人lolita style。今日試穿出街,不過襯得馬馬……都怪遲到所致,選錯衣服之餘也發現自己還是最好先去減肥。=w=”
 
學費單終於搞清了,九月為了一科而再度開學。

發佈留言

發佈留言必須填寫的電子郵件地址不會公開。 必填欄位標示為 *