Blog > 生活 : : 校園生活 > 尾聲

尾聲

2006.04.26 | No Comments

Defer了的DS6 subject,已經曲終人散了!但那天的present有幾慘烈,我真的不太清楚,老實說,我近乎與SD所有同學失去聯繫,雖然我有繼續上學,但近乎沒有跟班上的同學說過一句話,這陣子跟同學說得最多的話可能要算跟env’t那位同project的同學吧!不過其實我想自己一個人做……可能我真的把自己孤立了,但我老是覺得自己無藥可救。

這陣子最花心機的功課居然是GE!我竟花掉四天的時間,努力把書看完再用盡所有精力去寫。我一直覺得跟中國當代社會的那位新老師是不是自己選錯,雖然只係做讀書報告,但總覺得他好惡,又要求多多,不過他提供了死線前審判保合格的服務卻真的不錯!交之前比他看,有問題即改,改到合格為止。不過我實情在死線前一天才交到給他看,他的辦公室還站著不少同學,聽到裡面有不少他的投訴聲音,真係等到心驚,半小時過後,終於輪到我,花了足足兩天時間噁了四千字,希望不用大改吧!結果,我竟得到讚賞,說我寫得不錯!立即pass左我,又話我份稿是他暫時見過包裝得最靚的。(實情只係買了一個file裝著,我連去Albert釘裝的勇氣都沒有了)那時我真的很高興。很久,沒有再被人讚賞過……當時我在想,我是不是真的一早應該去讀中文系……

Zelda昨天無啦啦又急call我,說可以坐輪椅離開病房走走看,奈何坐輪椅要有人陪同,便叫我方便便過去醫院一趟。他那算什麼呀?次次都叫人叫得那樣突然。算,昨天剛好四點幾在學校,醫院離學校又近,於是跑去陪了他,唉,我想,如果我不當他是朋友,我真係沒什麼朋友了!他的思維又開始出現問題,又在想著為何沒人請,我講了很多次跟他工作能力無關,出問題是他自己,精神失常叫人點請你呀?但他原來真係發現不到自己精神失常,真希望醫院快轉介他去看精神科。(每次看到他鑽牛角尖就會想起我自己)第一次推輪椅,有點驚驚。昨天最無聊爆而我又允許他做的事就是讓他打電話給hoyin,我肯定hoyin聽到這個電話時想立即收線,他語無倫次的希望hoyin幫他找工作,電後他沒發現自己語無倫次,我不停與他說他精神有問題他都不信,直至我話「我有時真係覺得你好似係傻的!」他才好像發現或記得自己好似是精神有問題的……唉……

不過有趣的是,昨天早上我又去見輔導員,提起過zelda,我輔導員竟然也接見過他,也知道他真的有精神病。哈……=w=”我昨天不停跟輔導員我好驚fail,輔導員問我點解驚fail,以前又無試過,老實講,我真係答唔出,但我真係好驚,好像我寫GE那篇文時我一直在擔心會fail,我知我極度低估自己的實力,但我唔知可以點樣睇得起自己。難道我真的有強迫症?

我時時刻刻都覺得我讀不成書,出來又無人請,基本上信心已經崩潰了……人又無動力,我究竟可以點?好像不停地步向死亡。看到別人辛苦努力,哭泣時得到朋友的慰問,便會想自己為不知是不是無病呻吟傷心時,身邊除了男朋友,可有人為我傷心?/ w \

昨天星期二檔案播放補習社敗壞風氣,我媽說是學生無信心造成,講得好呀!但點解你重來唔問下點解學生無信心?又唔問下我點解讀到變左「高分低能」?見到個補習天王話出來做野邊行唔睇沙紙?我話設計呢行咪唔睇囉!但我媽仍然堅持,都係有張沙紙好,有保証嘛!佢話就算設計呢行都會睇下,我話我見暑期工時都無人問過我要睇張野啦!我媽又話細公司才不看!點呀!你講晒啦!跟住又話我講一般行業,講到尾,都係覺得拿張証書好!你有無諗過,我已經讀到痴左線呀?二月開那次家庭會議去左邊?根本由頭到尾,你都係想我拿個學位吧?雖然口口聲聲話我唔讀都無所謂,但每次提起這些事時,總是堅持那個表現,想學生求學不要求分數,不如你教下父母先啦?你呢種要我讀大學的思想迫左我二十年,就算突然叫我唔讀都無所謂我都會良心過意不去,因為我已經失去我應有的自由意志,我同一個木偶公仔係無分別架!所以我才覺得完成大學,我才得到自由,可是我現在真係好矛盾,好可悲。我不停怨都沒有好結果我知,我連我自己有無完成一個學生責任都唔知,究竟我想我怎樣?

求學不是求分數?如果教育制度一日唔改,父母思想一日唔改?你點叫學生去改變心態?知道自己讀書做乜的學生有幾多個?

發佈留言

發佈留言必須填寫的電子郵件地址不會公開。 必填欄位標示為 *