Blog > 生活 : : 日常閒事 > 秋祭 2004

秋祭 2004

2004.10.09 | No Comments

繼續pinky今日節目認真豐富!早上去看完牙醫覆診後,下午便跟Brian一起趕去城大秋祭!
我真沒想過今次去要排成粒鐘!上年同lavander去都無咁多人架!今年再去想不到也遇上lavander,不過她今次沒排了,只在外面看看!經她提起,我才想到上年我要等她測完驗才去,所以無今次咁早入去。
排左成粒鐘,終於入到去,裡面都幾多人,場面都近似CW咁熱鬧!不過現在的同人祭都以日本漫畫同人為主,反而原創的同人已大大減少,不過市場導向如此,大家也不想蝕錢,所以所謂同人誌,原創味道已經較以前大為減少,現在似一班人開開心心為自己喜愛的漫畫話題化成故仔似一點!
不過今日聽到一個妹妹仔講野真係讓人有點失望。話說我行過一個以原創為主的同人攤檔,人家努力叫大家買書,然後有一個妹妹仔對著另一個說︰「來呢度點會買原創呀?來呢度係都買同人啦!」聽完後,我想到,乜同人呢個字只係指以日本漫畫作品為主的同人誌嗎?原創的作品不是同人誌嗎?突然覺得呢個妹妹仔,好似連同人都唔多清楚係乜咁……唉……其實本來同人誌只係指一班愛好畫畫的人自費出漫畫嘛,點解會有人曲解左個意思呢?總覺得同人活動如今好似唔似以前咁,真的以原創為大前題了……難怪我過去聽到不少人話去完這些地方大叫失望吧!= =” 不過我自己都出過同人誌,真的明白原創的難題的,唉!
今天的戰利品有一頂貓帽同一張postcard……哈哈!我對原創同漫畫題材的都興趣大減,原創真的靚的賣得幾貴下!= =” 搞到唔想買……
睇完販賣會,出左去影cosplayer,今年超多鋼鍊人,一個都無影,事實我跟漫畫有點脫節,追上了死亡筆記已經很俾面!不過最喜歡扮無臉男的那個人!
之後趕回去返教會,今日睇一段中學睇過的片,不過很好睇,因為有外景睇,而且講及耶穌的話語解釋更詳盡,讓我更加明白!
這幾天的怨氣總算發洩出去了,期望不用再遇上壞人便好了!(雖然自己都係壞人!)= =”

Comments are closed.