樟木頭度假團

八月二十九日，我家及我阿姨一家以及其兩戶鄰居一行十二人齊齊出發去樟木頭度假。
話說我阿姨的鄰居在樟木頭有間屋，於是邀請朋友去玩，我不知為何也被阿媽叫埋一份去，於是今年參觀CW 18就此報銷……嗚……
星期六當天一大早便到大埔墟火車站集合，計而齊齊羅湖過關再搭火車上樟木頭！想不到搭火車幾快，二十幾分鐘到便目的地，接著就是再坐X景花園接駁巴士返別人的家。這個X景花園的樓真係棟棟一樣，住不熟都不知那座跟那座。
分配房間過後，就出了外頭找午餐吃，今次我們先吃台灣菜。接著，就是開始遊玩，首先是游水。不過池水我都覺得水質馬馬……游時又下大雨，不過都算好玩吧！成個池都係我地自己人游呢！如果我識游水會更加好！但我不想學……=3=
游完水，便回人家的度假屋洗澡，當中我阿姨本來同屋主一齊去買野食準備當天玩燒烤，但怎料去到超級市場材料已沽清，所以變了出外吃順德菜？脆皮豆腐好好食呀！>v< 吃完晚飯，已是十時了！之後一班大人就去了某酒店做按摩，而我地細路就由屋主車回去唱K，不過三間半夜唱K都有點無聊，我表弟途中教我地玩話事啤，而家至知原來呢個遊戲原來係咁玩！等我仲以為好恐怖架！因為之前有人話我知玩呢個玩到不太高興，所以我只看沒玩，反而走左去同屋主隻狗"比比"玩！第一次同狗玩架我……想不到佢幾乖，仲爬上我大腿坐呢！幸好沒尿尿在我身上……= =" 係度等大人回來等到一點，期間我跟我姐及表弟一齊鋪床。等到大人回來，便立即上床睡了！ 第二天，去了會所吃早餐，碗通粉大過香港的午餐都係十六蚊，超平！之後就在餐廳外面打golf，我第一次打呢！好難打…… 之後我們去了打保齡球，勁落坑……嗚……好彩都有一球全中！全團歡呼！^__^ 可惜我爸看不到……他去了洗手間……= =" 玩完又是午餐時間。 今次去了一戶原居民地方吃私房菜！那裡竟有正宗火柴燒走地雞吃呢！@0@ 不過那些燒雞真的很好咪！肉很滑！我地一行十二人竟吃足十二隻雞！@0@ 不過吃時都幾有情調！因為當時橫風橫雨，我地身處那戶人家住的可是鐵皮屋，到處漏水同水浸。大人們一時感觸，竟突然話說當年，上演了一幕集體回憶？@@" 吃飽飽後，我們一家本來打算買直通巴士票回家，怎料賣晒！只好搭回火車回深圳再轉KCR。返到去深圳，我爸帶了我去東門買老翻DVD。買了一隻大熱卡通回來看！因為未睇過，想知好唔好睇！雖然網上聽說有得免費d/l，但我爸話要搵來搵去咁煩買隻仲平啦！不過又真的幾平，才六蚊人民幣一隻呀……最後在唐宮大酒樓吃完飯便回香港去了。 回到家才九時左右，都算早呢！