日常閒事 琪琪宅急便

婚後小嘗試 – 忙碌的八月

2014.08.16 | 生活: :日常閒事: :職場奇事 Leave a Comment

第二輪的免費拍攝終於開始了,八月兩個星期都出去與陽光玩遊戲。結果還沒跟朋友去下水禮,已經因為honeymoon同外拍而把自己曬得黑黑的……

講返最近的生活,平日都是如常 –> 返工 > 放工 > 煮飯 > 洗碗 > 如有衫就洗,地下太污糟忍不住就掃,搞埋呢d家務餘下的少少時間就執相 > 訓覺,而六日就是 dance class > 收衫洗衫掃地 > 午餐 > hea/執相 >返教會 或 dance class > 外拍 > 執相

生活總是離不開執相,仿佛已成為其中一項家務。其實我老公自學影相,當然都會識執相,只不過我覺得佢喜歡的風格不是我杯茶,才變成這樣的分工,佢影我執……

其實以我地咁少經驗來說,每次出去都好驚,有時也發現自己係現場個腦一片空白,完全沒有做好美指的角色…事後也會發現自己跟老公溝通成日出問題,也會係現場出現意見分歧的撞板時刻。每次回家看相片時都會想如果當時這樣做就可以拍得更好了…不過也要學習接受,只有繼續向前行,才會看到自己的進步。

總覺得早排的負能量這星期漸漸減退,又或者因為看到有很多可以執的相所以好開心…

另外來緊幾次拍攝都可以同另一wow友Kristy合作,好開心!婚前我都有做過她的化妝練習對象架! 她之後都有同現在wow紅人化big day 出門job~有她的幫助,花絮相可以見到我個樣,哈哈!因為我拍的花絮相就只能見到我老公和新人上鏡呀!

上星期六,跟Rosita拍攝時我都有影過少少相,構圖我都覺得不錯,唯獨問題就只係我部機不是單反機…回家一看模反機同單反機影出來的顏色對比真係差好多…不過我這種機器白痴都係將技術交比老公做,我還是繼續教他構圖同指導畫面效果算。

上圖是我自己用模反拍的,大家覺得影得如何?都見得人掛⋯⋯

希望最後成品能令各位喜歡就好了!

其實我都要借少少位讚下我老公…因為現時搞咁多野,主要都係我即興同任性而作,但他有努力配合去做,去試,我真的很感動!而且他在那麼短的時間可以拍得似模似樣,真的好叻仔!


我個人很喜歡這種開心的相片

這張要配合地時天利人和呢!逆光相要靚其實都不太容易呢!我的粉紅花球也在這輯相亮相了!

另外也謝謝Rosita寫了篇blog講返當日情況,大家有空都可以去望下!
http://wow.esdlife.com/space.php?uid=55388&do=blog&id=204641

接著也應另一pair wow友要求在拍攝前跟他們開會,當晚都傾得好開心呢!下次拍攝又會有新挑戰,希望可以拍到好照片,努力儲更多經驗值吧!

因為呢個月都忙於拍攝同執相,花球都無什麼新作……最近看到很多歐式花球,不是那麼圓的感覺,想試一個……不過對於我這種一板一眼少女的確有些微困難。

早前正式幫了一名準新娘做了一個tailor made的花球,總算是小妹的第一次!而且交收時聽到她說花球漂亮都覺得好開心呢!比起現時很多有名的網上絲花店,我做的真係業餘的東西,加上零學習基礎,能有人欣賞真的好感動!

婚後小嘗試 – 第一次的婚紗拍攝

2014.07.27 | 生活: :日常閒事 Leave a Comment

星期日終於完成了第一次的婚紗拍攝,幫了一位wow友完成她的pre-wedding。之前因為八卦看了她的blog,知道了她一些事情,結果膽粗粗問了她看看我們能否幫幫手。

結果造就了這次的拍攝。

她最後選了去鐵路博物館及大埔海濱公園拍攝。雖然當日時晴時雨,但最終都順利完成拍攝。希望她會喜歡!拍攝完成後還一起去了晚膳。^^

我們還在摸索著前路要怎麼走,有時想想,周圍都有免費拍攝,究竟如何能表現出自己風格或提高知名度都還很迷惘,對於如何低成本做宣傳都是沒什麼頭緒。當然現時最重要是還要繼續磨練技術,還有和老公溝通及建立默契都要再努力!

至於花球方面,我都還在思考這條路是否可以繼續去行,老是買了一堆用不著的花……其實花材好貴,但現時仍然用接近成本價去售賣,做做下都真有些迷惘……雖則現時開展的小嘗試是二人同行,但實際只有拍攝老公才出場,其他時間,都是自己一人包辦,有時都覺得有心無力……

至於正職工作上,公司走了好多人,留下來都不知會怎樣,自從年頭改朝換代公司變了一點……但暫時很需要一份穩定工作,才能維持去發展一下副業及平衝家庭生活。

呼,又打了一篇負面文章出來,希望大家見諒!^^ 因為有時真的不知可以在那裡呻。

轉換一下心情看看美美的婚照吧!

更多作品可以直接去我們的專頁收看!
http://www.facebook.com/somepigdesign

婚後小嘗試 – 花花世界初嘗試

2014.06.26 | 生活: :日常閒事 Leave a Comment

自從結婚後,不斷積極試下不同的搞作,先有向拍攝練習的進展,第二輪的免費拍攝活動也順利選出了參加者,八九月將會非常忙碌,希望老公能支持下去,驚佢長時間留在戶外會中暑呢!

另外進行另一方就是向花球挑戰!其實自問是手殘女一名,勞作向來都不行,不過因為結婚自學整花球之後覺得襯到一個靚色系的花球感到好滿足。之前一直都係有時間有位擺就整過擺上網睇下有無人有興趣,早陣子真的有人向我下訂整花球,我真係好好好開心呀!雖然都係重整一些舊款,但有人真係買比左信心我!因為其實我上個月已想過放棄不再玩啦!因為花材一點都不便宜,無人有興趣搞到成屋花都唔知做乜……

昨天交收了第一個訂造的花球,好開心!希望會繼續有人賞識啦!其實我原本對太陽花這個花球最無信心,最後仲拎左個現貨花球去做獎品。但想不到原來真係有太陽花支持者架!

另外有一個意想不到的機會,就係我畫的結婚公仔也有人欣賞呢!因為這個服務我沒刻要宣傳,但竟然有wow友想我幫她畫,實在感到很意外!重點是她喜歡我畫的style!而不是叫我跟她的東西去畫!

因為年頭的時候,朋友托我幫她另一個朋友畫結婚logo及邀請咭,但最後搞到不快收場,因為我覺得他們沒把我當作一個設計人員,一心只係想我做他們的繪圖員,照著他們的設計畫靚佢(但我真係覺得個設計老土到接受唔到),我覺得好傷心,因為我事前已講明我想畫自己style的東西,而他們是同意我才答應做,結果卻變成這樣,而我最後把工作做了一半就推掉了……很笨笨的,浪費了自己時間心機,仲因為朋友搭上搭沒收訂就做了!真係蝕水又換來一肚氣……所以這個教訓讓我知道,什麼都要先下訂才可以幫別人做事!有時好心只會傷害了自己。

公仔已畫好了!(雖然電腦夏天會中暑,有時想開工畫都畫唔到,但總算順利完成),希望她會喜歡吧!

婚後小生活 – 自拍Home sweet Home

2014.06.22 | 生活: :日常閒事 Leave a Comment

其實好想影post-wedding,但又好難再同人搶free拍攝,即使free一般又要比車費及化妝…所以縱然已買了新晚裝及道具, 卻未能找到合適攝影師去拍攝(主要是因為沒找到價錢同風格都合我心意的人…另外的原因就是我想慳到盡,又自拍)

不過著婚紗自拍真係好麻煩!在這件事還未能正式實行前,最好還是先多多練習自拍。今次就地取材,決定在家裡進行一輯以home sweet home為題材的post-wedding。

在家拍攝真係好方便,因為可以開住冷氣慢慢影又無陌生人望住晒,而且配合家居著便服化個素頻妝就影得!真係簡單易做!不過自拍始於要自己就位,即使調好了角度,還是可能拍了十幾張才找到一張滿意,所以拍攝當日真係由朝拍到晚,都只係得數張見得人……究竟何時才能提升自拍的成功率?

最後當日只拍了沙發和飯廳及廚房……

不過在家拍攝也有些地方需要注意,就是需要搬開一些雜物。原本有幾張相都見得人,但因為後面都同時影到家裡的一些雜物,實在樣衰唔敢拎出來見人……真有些浪費呢!

長話短說,給大家看看成品,部份動作角度都有參考其他攝影師的作品。其實有幾張我好鍾意,好似係出面studio影咁,哈哈!

呢個係去完橫濱日清拉麵館自製的杯麵,因為只有一個月限期,所以吃之前跟它拍張照片留念。

婚後小生活 – 驚險的生日前夕

2014.05.13 | 生活: :日常閒事 Leave a Comment

首先祝自己生日快樂!

昨年今日還撇下當時還未係正式的老公跟姐姐在日本立山黑部度過my last single birthday,今年就跟老公二人世界過了!

話說昨天相約了爸媽去食壽司,慶祝母親節及成家人的生日(我家除我媽外全部五月生日)。原本一早準時收工跑回家先整理一下再出去壽司店找位子。可是返到家門就見到老公係門口,原來佢開唔到閘門!我自己又試試,結果又開唔到……閘門壞了! 當時已經晚上七點,因為父母住得近,便叫了爸媽求救。當然他們試完都係返唔到入屋……最初打算找開鎖佬來啦!但我爸又嫌貴想食完飯自己再試試。於是唯有食左餐飯先……

最初我爸媽叫我返娘家訓返晚先,我都打定輸數,諗住今年生日係娘家訓。吃完之後,返了娘家洗白白出來我媽話我爸最後都call了開鎖佬來搞,然後搞左成粒鐘,終於開到入屋!最後鎖都換埋,我爸就將呢筆費用成了我今年的生日禮物了!(原來上門揾人開鎖換鎖係咁貴架…無常識的輕熟女一個…)

好啦!返得入屋以為今日驚險事情已完結,換返套便服再返娘家食生日蛋糕啦!怎料,我爸想用個古老打火機點蠟燭,個火大到我爸甩手,成個火機著住大火丟正落生日蛋糕個盒……幸而我媽立即擺左隔離把生日膠刀蓋熄了…嚇死,差點就要讓成火災啦!

我覺得今年的生日比起舊年係立山黑部更難忘…哈哈…