琪琪宅急便 - 17週年快樂!

2016.02.22 | 生活: :有感而發 Leave a Comment

足足一年沒在這裡寫過任何野⋯⋯連遊記都放棄埋⋯⋯原來個人網頁真係會比時代淘汱。

婚後小生活 – 看完五個小孩的校長,給作為父母的反思

2015.03.23 | 分享: :電影 Leave a Comment

多謝wow,讓我有機會去看這套感人的電影!最近都沒有寫blog了!都係那句啦!入左靚太club又無B又唔係我負責煮飯真係無乜心機寫野!旅行blog都九成private唔想再比人睇。只餘下那些繼續評為「廣告」的blog算!

講返套戲,超級催淚,連老公都話睇完眼濕濕!今日原本放工去德福睇,怎料我未放工就收到老公打來說德福只餘下最前兩行⋯⋯之後才醒起星期二戲飛都較平,難怪多人⋯⋯最後search過幾間都無乜位餘下,改了去Emax睇,因為即使只餘下前面三行,screen距離都未算太近,唔會睇完肩頸痛。

電影內容其實大家都大約知道,也不想劇透就不說太多了!不過第一幕播了一個名校幼稚園生小朋友講自己沒有100分爸媽會不開心的對白,跟我大學其中一個動畫功課的內容接近99%相似⋯⋯讓我想起自己的畢業業作品作品也是探討怪獸家長!不過作品已是接近十年前的作品,我畫的時候幼稚園興趣班還沒有普遍,當時老師叫我要做得誇張一點所以就把興趣班畫到去幼稚園升學中。

十年過去,想不到我的誇張故事已化成現實⋯⋯好可怕!這也是我一直沒興趣生仔的其中一個原因,當然還有好多不想生的因素。最近還多了一個不想生的原因,香港政治環境實在太差,政府已不理民望,只做事情給阿爺睇,暫時都覺得在這種環境生活實在讓人不安。

如果大家有興趣睇下我n年前的畢業作品可以click入以下連結!

希望大家都反思一下現在香港的略型教育已嚴重影響我們的下一代吧!

琪琪宅急便 - 16週年快樂!

2015.02.22 | 生活: :網站消息: :有感而發 Leave a Comment

我想,大概都無咩人會將一個個人網站維持16年那麼久⋯⋯很多晨早摺左。

其實網站都接近無更新,最新都是將另一個結婚紀錄的blog內容copy過來,還有就是開了Somepig之後的宣傳blog。如果你十幾年前已有留意我,謝謝你!歡迎繼續在這裡向我留言。在這裡我的確有認識了不少網友,還有幾個來參加我的婚禮呢!我想,這是難得的友情。

其實旅行遊記一直也在紀錄,只是內容大概都是只有我看得懂,哈哈!未來,應該依然維持這種狀態,如果想多看一點我的更新,可能要去我另一個專頁Somepig.Lab看了!生活現在大小事情都變成在facebook發表,不過偶然可能都會在這裡看到一兩篇的!希望下篇blog不是下一年的週年紀念吧!

婚後小嘗試 – 熱愛大自然的pre-wedding

2015.01.31 | 生活: :日常閒事 Leave a Comment

看到這裡又搞free pre-wedding,不過又無靚太份。最近仲見到叫人share香港拍攝靚景點?香港有好多好地方已經因為比傳媒大力宣傳而摧殘,如大東山、大棠,到了秋冬就旺過旺角。最近因為出現了藍眼淚連三門仔都淪陷了。

宣傳靚景唔係問題,但大家從來都無想過靚景需要愛護,一窩蜂衝去影相卻把景點極速摧殘,這就是想影獨特靚景的惡果。

早幾日跟了一對新人去影相,他們去的自然景不算好獨特,但勝在無人,我想,即使是冬天,也未必有機會看到無人泳灘,但那天真的去了一個無人泳灘,成個場得我地幾個任影,好舒服!係比海風吹左成粒鐘有少少凍,流晒鼻水⋯⋯

另一個拍攝地點也是沒見過有新人去影,而且也不是想去影就有機會。拍出來好有country feel,好靚,好希望有機會再來,但我無錢錢⋯⋯不要問我在那裡,免得又話我賣廣告了。

最後還去了一個碼頭,是我介紹過給一對新人去的。但事實我也是上wow才認識那個地方。原來香港還有那麼多美好的自然景,真的要好好保護呢!

放幾張相給大家估下吧!

婚後小生活 – 2014 Christmas Dinner

2014.12.24 | 生活: :日常閒事 Leave a Comment

今年是婚後第二個christmas,如往年一樣,已婚同住唔洗出去食比人掠一筆,今年繼續自家搞聖誕大餐!不過做完有種覺得自己玩自己的感覺。放工回家花了兩小時去整,有得食時已經謝左,然後洗埋碗已經十一點幾⋯⋯
雖然煮飯仔好開心,不過真係花時間同心機。今年的質素都還可以,希望出年再有新突破!

P.S. 肉方面都由老公整,漢堡扒是老公手製而不是在外面買的呀!而自己就負責配菜及伴碟設計,還有牛油焗帶子同洗碗 XD

本年的聖誕大餐餐單:燒汁肉眼扒,牛油焗帶子,茄蓉燴漢堡扒,蕃茄意粉

最後祝各位聖誕快樂!