Blog > 生活 : : 日常閒事 : : 職場奇事 > 婚後小嘗試 – group pre-wedding初挑戰

婚後小嘗試 – group pre-wedding初挑戰

2014.10.27 | No Comments

丟低老公自己去旅行出發前一天,其實相約了Circle她們的wow 2015 b2b group去影group pre-wedding。今次要面對13位新娘,加上我們的器材也不是好專業,其實都幾緊張(明明當日又不是我影,我只係去坐為主,乜都無做過都總係會好緊張)。

當日除了我們,其實還有其他攝影師在場一齊影,看到別人拿著很pro的燈似的,更驚……搞到個腦一片空白,到真係開始拍攝時都企埋一邊,睇老公自由發揮,偶爾繼續充當不稱職助手(我連燈架都唔識開呀,好白痴)。

新娘們當日找到了接近一對一的化妝師為她們化妝,book了個最近流行的搞party主題場地做拍攝,好厲害!我自己一年前都搞過跟自己2013 11月b2b的group pre-wedding,對於這種活動大概想要甚麼都明白的。

不過我以前做搞手就明白「散叫」比一條龍辛苦很多,所以我一開始就希望找到一間studio包化妝同拍攝,包埋場地總之費用省得就省,當年拍攝仲叫埋老公一齊去做麻豆拍攝,順道叫老公set多部相機拍片,最後自己剪左條making of比我個group的新娘。現在想起當年真的好瘋狂,現在再叫我做都無力了!

那個搞party的主題場地想去看很久了!因為在fb的相影出來都好靚似的,不過現場睇果然會有少少不同,原來比想像中細間,而且某些房間好像開始殘……

當日拍攝時間都幾長,去了不少特色房間,但因為攝影師都頗多的關係有些房間最後沒有機會拍,個人期待的集體相不是很多……當日有些攝影師問我是否化妝師(因為我又唔係影相又一直跟係度,最後直接簡單答自己係攝影師老婆就算XD,當日真係唔知自己做緊乜 )不過整體來說,算是一個不錯的經驗,又可以與幾位被我地拍過的新娘子Abby, Rosita見面(自己的花球也重遇了呢!)。最後,也要非常感謝各位的包容,比我地一個機會去試影這種大型拍攝活動。

暫時只有幾張相執左,這個月除了旅行其他在港時間都在執相同整花球⋯⋯

最後終於有機會同返Circle合照>3< 事後先發現漏左同返Circle, Rosita及Abby一齊影返張相呀!><

發表迴響

你的電子郵件位址並不會被公開。 必要欄位標記為 *