Blog > 生活 : : 婚嫁籌備 > DIY花球、襟花和手花

DIY花球、襟花和手花

2013.04.04 | 1 Comment »

又係基於錢作怪,最初打算Big Day都係淘個花球回來,但後來先記起花球要襯埋新郎襟花一set,然後前晚忽發奇想不如自己DIY一個啦!剛好星期日要陪Brian出旺角睇腳架,於是順便去花園街的絲花伯伯那裡買花。當日早上我才找了幾個blog看reference,其中有位blog友講了她買花的份量和材料,一向是DIY苦手的我覺得很有用,可以估計到大概要買幾多花去製作一個花球。

不過我以為花檔一向都是早開的,鑑於不想星期日同人迫,我原本打算早上就買到花,但結果等到下午伯伯的絲花檔才開門……那之前唯有先去陪Brian買腳架同去繽紛睇。雖然繽紛的花比較靚,但價錢真係較貴。由於不是個DIY達人,我跟據看到到的Blog那樣去買一個手棒花插座,那樣我便不怕做不到一個圓型的花球。那個插花座在繽紛賣$24,深水埗一間叫德祥的公司賣$9,大家自己衡量一下價錢啦!

結果當日買了︰
紫玫瑰一束
小型白玫瑰一束
兩束薰衣草
三頭紫藍色姅繡球花
白色和紫色碎花各一束

由於忘了在德祥買襟花扣,又不想行返轉頭,結果買了貴一點的$20三個襟花扣……這樣由朝出去再回家都已經六點。但回家我便立即開工!

由於太心急沒影太多的相……到再影時已接近完成。其實真係沒什麼技巧可言,就是把絲花剪出來再插入去個花座就是了!如果剪出來的花枝不夠長就要用鐵線再加綠色花貼加長。

另外,復活節原本只係去買材料完成埋襟花手花,點知見兄弟襟花做得好靚,又覺得新郎襟花失色,連帶覺得第一個DIY花球太清……結果隔天又再出去買材料做多個花球,原本想要紫加粉紅,但做完出來的都不是自己想象的顏色……而且今次想試下不用花托做個半圓花球,但加下加下又變左接近圓形,但沒有花托真係唔多圓……但Brian似乎滿意今次花球的顏色……所以Big Day可能兩個都會用晒。

今次襟花的絲帶都是由Brian操刀,不過我兩弄了一整天都未弄完……為何有那麼多親戚和教堂嘉賓襟花要整架?單單家人都整了差不多十個……絲帶都買不夠又要改天出去再買……要不是需要那麼多襟花我都不DIY了……好想快點結束這個DIY,因為還有很多東西等著我去做……

Comments:1

發佈留言

發佈留言必須填寫的電子郵件地址不會公開。 必填欄位標示為 *