2nd Pre-Wedding

等到頸都長的2nd Pre-Wedding終於在昨天完成了！(3rd Pre-Wedding連相冊都整完)日期由一月尾改到二月尾，不過成為了Joyce她們的Pre-Wedding開爐日 XDDD。

一朝早去Anna的Studio化妝，但因為Brian遲到最後遲了出發(早知就不等他自己先上Studio，他說要我幫他拍下他的走水貨look……)鑑於之前的Pre-Wedding妝都未能滿意，尤其上次被媽媽和姨婆說人家影肥我的關係。今次對妝容的要求是盡量要留前陰，把面大的問題修飾，結果都做到了！果然揾Anna化Pre-Wedding同Big Day是沒錯的選擇耶！今次我真係覺得個妝好靚！>3< 回家給媽媽看花絮相之後她都話今次無咁肥。

影左三次Pre-Wedding，其實都不是很緊張啦！而且終於比我等到晴天，雖然不是藍天白雲，但影到有太陽我已經好開心！上兩次不是陰天就是落雨……原本計劃影迪欣湖到迪士尼站及欣澳，但因為時間緊迫關係結果全程都留了在迪欣湖影相，轉了服裝都因時間關係無轉造型，不過出動了送客裙出來影相，條裙真係好靚我真係好鍾意。

今次影相的style以sweet及funny為主，期待睇相！不過今天訓醒已見到Joyce已upload了一張相上facebook了！

另外當日在那裡影相的新人還不少，不過地方夠大都沒有要等位的情況。(是日也見識了不少自備行裝拍攝的新人，所有器材都比我們兩個嘍囉平時自拍的工具專業)

最初覺得公園氣氛幾寧靜都幾舒服，不過後來不知哪裡來的三架旅巴車了一堆人來之後就吵了很多。

當日也很感謝上次也來過幫忙的Brian朋友，連續要他悶兩次地幫我們看顧行李及影下花絮相，辛苦了！還有Big Day來做我們的兄弟，Brian你有這個朋友三生有幸啦！

還有一件事，就係影完相回程我都未離開植物園範圍，對波鞋就爛左……個底完全同隻鞋分開左，搞到要著對小小高跟鞋回家，但對鞋其實唔岩遠行，結果行到隻腳出血咁返屋企。