Blog > 生活 : : 日常閒事 > 吉澳、東坪洲一天遊

吉澳、東坪洲一天遊

2007.12.30 | No Comments


man sir畫班的同學仔找了我去參加油X地旅遊的本地一天團,於是跟了幾位長輩一起玩了一天。而且我未去過東坪洲,都想去睇下。

經過上次跟姐姐公司遊船河去糧船灣,坐到好似過山車,很擔心今次出去東坪洲又會有如此情況。幸好,我們那個團有成二百幾人去,坐隻300人的船,真係定過上次好多,坐在上面連上次十分一的暈浪感覺都無……早知唔洗食定暈浪丸。(況且我其實不會暈浪)

首先,十點半左右便到達吉澳,被導遊帶了去看榕樹(姻緣樹)、天后宮(當然沒入去),只到了隔離偏廳睇西方人畫的門神和菜神(財神),都幾搞笑!接著十一點已經吃午飯,其實都幾好味,尤其係咸魚仔,但媽媽級長輩則認為我這些細路女不需那麼多味覺要求。

吃完飯,坐了成粒鐘終於去到東坪洲,還以為去這種地方應該不會太多人,但突然有二百幾人闖入這小島都幾驚!可惜旅行團只比你去兩個景點,我們就去了東邊的龍落水和斬頸洲!第一次去到地理書上看過的圖片,好開心呀!不過當日都幾凍,參觀時間又少,拿相機幫我拍照的Uncle又有點老花,有的相片拍得馬馬地……希望下次可以再去行晒成個東坪洲,風景真係好靚呀!

發佈留言

發佈留言必須填寫的電子郵件地址不會公開。 必填欄位標示為 *