Batman Begins

終於等到蝙蝠俠第五集上畫，在第四集完結後，我已經在想蝙蝠俠還可以繼續拍下去嗎（難聽講句，第四集真係拍得好垃圾）？不過今集講回Bruce怎樣成為Batman，不能不讚一句，拍得好好！
雖然我沒看過原著漫畫，對於Batman究竟有無呢個師傅真係不太清楚。不過可以看到有關Bruce小時同父母一些片段都覺得幾感人。如果以我看小時候的Batman卡通為原著，Bruce應該有很多個師傅。（因為有一集曾講Bruce跟一個魔術師學逃生術，但Bruce應該都學過日本功夫，因為他在Batman Beyond係搵到知佢身份的人教Terry柔道。）
看過五集蝙蝠俠，都可以好明顯看到三個導演的不同風格。添布頓所拍的蝙蝠俠其實是最有風格，將Batman拍得那種黑暗感我肯定另外兩個導演都是做不到的，Batman Forever的導演我已忘了是誰……=w=” 不過他拍的Batman是比較英雄主義，以性格人物突出為主（所以我一直都喜歡Batman Forever，雖然Batman & Robin是垃圾）。而今集導演好想將Batman拍得人性化，不過有時看完覺得太人性化，我知他好想講Batman係凡人，但始終係英雄人物，我都係想看到Batman大戰特異壞人的故事。其實我有少少覺得這是一套警察片，因為只要把Bruce換成不穿蝙蝠衣，或許改造成龍的超級警察都一樣可以做到這套片出來。=w=” 佢真係拍到Batman平凡到不似Batman。不過怎麼說我都認為Batman Begins是應該入戲院睇的！請大家支持正版！不要用BT download。
還想說不講也不會有人知今隻出了稻草人這個壞人……雖然我知原著他除了用毒氣真係毫無作用，但我都係第一次見著名壞人在電影中只能當大配角，有點悲哀……=w=” （畢竟他出唔出都罷）
不知會不會有人想將Batman Beyond拍成電影呢？我也很想看Terry這個新一代Batman同老左的Bruce的故事……為何卡通片已經停了？難得英文無字幕我都要追來看！>0< --------------------------------------------------------------------------- 看完電影，跟Brian去了阿拉麵館吃午飯，之後我陪他到了五樓睇波鞋，想不到咁多間鞋店，睇中的鞋不是太貴便是斷碼，想不到行了兩小時多最後都係要無功而回…… 本來今天很高興的，但回家後Brian變得怪怪的，問他做乜又唔答，最憎人唔坦白！