Blog > 生活 : : 校園生活 > 過三關,斬肉醬

過三關,斬肉醬

2005.05.18 | No Comments

過了生日後,工作竟仲繁忙過在學中!
freelance、執portfolio、準備grad. show資料的deadline全部在同一日!=0=” 三樣東西一湧而上,真係做到痴左……
freelance的工作我開始覺得我變了神奇女俠,連package design都要學做了……我真係第一次做,急急問了幾個相熟朋友意,硬著頭皮學習同去做,不過我覺得幾有挑戰性。:)
執portfolio,真係執到想哭,原來我以前的報告無一份寫了詳盡的developing process,突然在一天作返出來簡直係無可能……兩年啦……份developing process仲係寫得咁差,好傷心。
grad. show要準備交給大會的東西都還好,不過為了booklet張相搞左好耐,最後都覺得不滿意,唉……個衰樣搞成咁,都唔知點算。=w=” 不過自己個人攤位仲未有資料,但下星期便要去旅行,分分鐘回港後要繼續通頂完成。
今天,返回polyu 交BA portfolio,除了學生,所見tutor個個都熟口熟面,都無咩驚唔驚。不過為左交張A1 size poster搞到好狼狽,好彩阿媽在之前一晚衝去旺角買布車了個A1 size袋比我,如果應該會仲狼狽……仲要多謝Brian個A1 膠袋呀!但昨晚做到四點幾,睡得兩個半小時,又創新高啦!>0< 交完portfolio就等做aptitude test,因為未吃早餐,於是去了舊can吃,買東西時竟遇上讀同一間U的舊中學朋友Dennis,好耐無見(其實只係無見一個semester)!於是一起吃早餐,我自己好似十年無見一個朋友一樣跟他在舊can講左兩小時,不停咁講,佢依然不停地聽我講野,他由始至終依然無變,除了個眼鏡。問到他去向如何,因為我們都是讀HD的,不過答案都是一樣吧!博下degree收唔收,唔收便出來做野。講左兩小時,大家一起去了圖書館,佢返四樓溫書我就在五樓睡覺…… 睡醒在玩圖書館電腦,怎料Brian竟然識搵上門!勁!於是又陪他去舊can吃午飯,跟住就去做aptitude test,都唔知點解選N core架?係咪book唔到其他lecture room?大佬,你而家考畫畫張桌椅那麼細叫人點做呀?不過除左畫畫,仲有好多open question……三小時都唔夠做呀! 返回搭馬鐵遇到fion,一起搭到第一城站(她去幫人補習 ),途中又問左佢未來去向,她除報了BA design,仲報了中大呢!似乎大家都未想出來做野住呢! 今天做過最後悔的事係報了BA design的visual communication……太多人報啦!我想在二千幾人報的當中,選VC的人可能佔了三份二……-w-" 難怪說我一個朋友的妹妹用jupas都入到BA design啦……入product競爭少幾多,我應該報advertising的……現在唯有等奇蹟,有得interview我都已經好開心了…… 或許要寄望cityu的BA CM……本來期望BSC CM的,但看了課程簡介,好似太多CS科目了……太深入的programming我驚我應付不下呢!/ w \ 不過報了就盡加吧!入到再算……

發佈留言

發佈留言必須填寫的電子郵件地址不會公開。 必填欄位標示為 *