乍看之下還以為我都結婚15年了…其實只是剛巧收回了big day當日的照片便拿來作本網頁賀圖好了！ XDDDD

原來i-kiki.com已經十五歲啦！我都結婚三個月了！粉久沒在這裡更新，但每年卻繼續比server費……因為早前籌備結婚都把心得寫在一個專新人分享的平台了……不過舊年算是有把部份內容都寫回在這裡的……新一年新開始，最近準備將自己在籌備婚禮自學的DIY技術都應用去接freelance啦！有需要可以找我做花球耶！XDDD 剛成立了一個facebook page擺放一些關於婚禮的小東西，有空去「讚好」一下！XDDD

http://www.facebook.com/somepigdesign

11月24日真是好日！除了是我的大日子之外，還是很多女生的大日子，不論出門，入門，在屋苑，在花車路上都不停遇上各對新人，至少起碼撞到三對以上！自己的十一月新娘group也有Mavis跟我在同一屋苑出門！

不過是日結婚讓我最頭痛的不是周圍都係新人，而係梁特首！！！多得佢，我的婚禮被各種火藥味之下重重包圍！何解？大家有看新聞都知道，梁特首在這個大好日子進行第一次的地區咨詢，跟市民相談施政報告的表演秀地點就在沙田官立中學，而我行禮的教堂就係正佢對面！！！自我big day前幾日到教堂綵排後就發現，當晚已有不少警察在演習，再有兄弟通知才知道11月24日的大集會！而且咨詢會跟我的婚禮時都都撞到正係二至四點，到時門外將會聚集一大群示威者。之後我真係擔心左成晚……因為教堂只知道這件事，又無通知我可以點做，打去警察又比人pass來pass去不同部門……

直至上星期四，教堂致電我說警察只比三部私家車我入教堂，我仍然很不安，因為我只book了花車同28van，婚禮完成又book了60座大巴，唔比佢地入可以停去邊？仲有封晒路我的賓客可以點去教堂？

星期五，教堂突然通知會有警方向我聯絡，最後收到一個阿sir電話，話要直接與我們見面講解當日會發生的事及警方安排，無啦啦係最多野執最多野煩的時間比呀特首搞到我更煩。但既然警察會親自解釋當然聽，他們還非常好地親自上門家訪！係婚禮增加難忘元素！即日下午一位總督察就帶了另外兩位警員(便衣look)家訪向我講解了一下他們當日如何安排我順利舉行婚禮，big day教堂亦有阿sir會在場協助交通安排。聽完一輪講解後心都定左好多，之後就繼續準備婚前要做的執拾和製作表單工作。

好啦！到了星期日，基本上因為特首，行程真係比預期還要順暢，原本要1:30先比我地入教堂，因為擔心延誤，我1:10早到了都即比我地花車即入教堂停車場，而28va雖然要在其他路上等一會，但最後都順利係教堂門口附近落車。這個時間，穿回整套警察制服的總督察突然出現在我面前跟我握手致賀，我都不知比什麼反應，只是連忙說「多謝多謝！」化妝師事後說我跟他握手一幕影唔到好唔抵，因為28van事後先落到客，攝影師都未落到車影相……

因為害怕特首兩點幾出現，喧嘩聲太大，婚禮比原定提早了十分鐘開始，也不知道是否有賓客害怕示威場面，到場觀禮的人比預期少了，但總之因為特首，我的婚禮非常快同順利完成，原本book了這間教堂還擔心不夠時間影相，現在卻因為提早開始有成粒鐘影相，攝錄師仲可以夠時間補shot！ 成個證婚過程，我只有數分鐘聽到出面少少的示威聲(教堂幫我關掉所有門都幾隔音，數分鐘的聲音可能真係特首剛到的示威喧嘩聲？)總之，神的恩典永遠夠用！

最後，又係有警察安排下賓客都順利上到60座大巴(不過最後都要行一段路) 原本我想跟去一齊坐60大巴，但比阿sir阻止，叫新人唔好離開教堂範圍走，最後改為坐了老公大哥的私家車去酒樓。我想，有警察協助的婚禮應該少見吧？事後睇返新聞，當日都有幾多示威者呢！

Photo by Anna C (化妝師係教堂入面影的)

自從年頭見過有些攝影公司搞的新娘group婚照，都一直有想過同一班新娘一齊去影相~可惜年頭有機會join時因為撞另一輯Pre-Wedding時間所以放棄了。(但結果那輯相也延遲到二月才影)

之後又見到一班2014年的新娘自己組織去影相都好開心！及後自己也組了一個2013年十一月的新娘what’s app group，於是便膽粗粗問下有無其他同月結婚新娘有興趣一齊去影相，結果有九位新娘都有興趣一齊影(最後要求男友幫忙拍花絮而變成十個人一齊去影相)。

接著就是要揾攝影，由於人多都不考慮外影，一開始就鎖定Studio影。起初想揾返之前影過Pre-wedding的攝影師，不過大家都好忙，有的最快都要排期到十月……但我們又急著要在婚前影(最理想時間係七月) 結果我決定找有studio的攝影公司或freelancer著手。(其實都有問過我的專業人士朋友，但他沒有studio，也不想佔了他星期日湊女的時間)

最初心儀的是seph production,他們大多的pw都係studio入面影的，而且有新娘solo package,但問過我們有咁多個人，包晒所有野係嚴重out budget…

之後無意中係facebook見到右手面賣的攝影公司廣告的一張相，幾個女孩訓係地下影得好靚好開心，就按入去睇下，見佢的portfolio style都幾岩我口味(有些少人造色素但又不太誇張) 於是順道問下價錢。怎料出來的結果是超級抵呀！！！雖然這studio不是主打影pre-wedding jobs，主要影family同個人寫真(都有少少pre-wedding jobs的portfolio)。但價錢實在太岩「胃口」(影最貴的4.5 hrs，個價係包化妝同影相，我地十個人join加埋錢拎全相softcopy，每人都只要三位數便可以埋單啦！)，而且七月又有期，跟其他wow友們商量後就join了！(七月前落訂仲有優惠)

當然，之後我發現的確join得有些急，落訂後打去同攝影師傾談完才知有些誤會……因為是join group package，所以原來個package係無得影個人solo，一定要一group人影，我知道後嚇呆了！(無一些solo照大家會很傷心的) 之後再商談過，攝影師也很好，她原來沒想過我們是一班新娘(她一直以為是一個新娘加一班姊妹去影)最後把我join的package改了一點，加加減減讓我們有機會影少少solo照。

再之後又發現因為我們join的只是普通group photo，包的化妝也只是普通日妝，不是新娘妝耶！最初大家還擔心，要出去另找化妝師化妝，因為人多會花好多時間，而且想要個靚靚的新娘妝。但最後因為價錢問題而放棄了。幸好可自帶假睫毛比佢貼~之後跟攝影師傾談先知道原來她一人分析兩角，影相係佢，化妝都係佢……

等待拍照這幾星期，大家都一起熱烈討論要帶什麼道具和婚紗。

原本以為一切順利，但之後group裡其中一位新娘，在影前一星期突然通知不能去影，而且還突然退group……(拍攝後一段時間跟她聯絡了，知道了一點點事情，願天父祝福，之後都開開心心過每一天！)

結果十個人變成只餘下九個人……但過了幾天由Mandy的男友補上了空缺(有另一個新郎陪我男友一齊去影啦！) 但萬萬估不到，臨影前一天，Candy入了醫院，Kathy又發燒……最後九位新娘只餘下六位去影(外加兩個新郎) 吾，大家真的要好好保重身體呀！希望下次再有機會一齊影過啦！

由於乜都係攝影師做晒，結果我們約了一早九點就上studio化妝。我對於集攝影同化妝技術於一身的阿B佩服得五體頭地！雖然用了差不多四小時去化六個女孩，但大家都滿意個妝，即使只是很普通的日妝，但很自然。我們也互相幫忙穿婚紗耶！在此也感謝兩位新郎的耐性，呆等了幾小時都悶到係studio訓左。

好啦！化妝的確等到我都有少少呆，下午還call了外賣吃完才正式拍攝！拍攝前阿B還再一次講解我們的拍攝package。(相片方面retouch是不包執瘦，只執色，要執樣就要逐個人另計啦！)

開始影相，大家立即精神起來！是日影左三個背景，有淺色底也有深色底，我最喜歡花花底。但我又再一次miss左同男友的訓地相……算啦！總會再有機會的！是日影了很多不同的相片，有同另外五位新娘的相，加埋兩位新郎的相，情侶相及單獨照都有！總之玩了一整天，想不到只在一個小小的studio都影到好累呢！最後影到接近六點！阿B真係做足八小時！(連lunch都無食呀！)

然後不到三日就有相睇啦！非常有效率！我們的package包60張retouch相(有十張是優惠而送的)單看preview大家都好滿意！之後我們分好場景，很民主的一人一票去選相片~希望九月能取到retouch的相片吧！

又係一個婚前或籌備初段都無諗過DIY的項目……只係因為整左褂鞋夾之後，有材料剩先順道做埋，不過因為手上材料未夠又出去深水埗買了一些回來，結果又買多了……簡直是無底深潭……每次都只係希望把上一次的材料用完，然後又製造了新的剩餘物資……

不過因為結婚，原本只認識有黃金同鴨寮街的我，才知道深水埗是DIY的寶庫。不過始終係今年先認識，舖頭實在太多，有時都覺得格價好煩！

上次整鞋夾，其實一直未買個夾，今次出去，順道去買埋，其實原本出去原因係要拎油畫。(用了年頭婚展會抽獎的油畫coupon做，不過加框同表油畫要另收費，但都比出面平所以加埋做了，20×24吋，有點正方形，不過岩晒我張相，因為我選的相片無乜背景，兩個人又偏埋一面，佢cut短左另一邊背景平衡返~)

之前用剩材料︰
紅絲帶
一堆彩色毛球
很笨大量入了貨的便宜蕾絲
用來整小貓公仔的絨布
白色布花兩小片
做襟花花球餘下的絲花

先強調我不是DIY達人，所以也沒準備什麼教學，也沒怎麼拍攝製作過程，完全只是想將物資盡用……
上星期六買了的新材料︰
囍字一個
紅色木蝴蝶一個
金色布蝴蝶兩個
紅色布蝴蝶兩個
珍珠一包
粉紅布花兩個
橙玫瑰花一個
小型玫瑰花六粒
貝殼兩個

方法同做褂鞋夾道理一樣，首先用紅色絲帶做底(我參考了Monique的做法)
http://wow.esdlife.com/space.php?uid=29562&do=blog&id=141032
不過我懶到連個底都無，直接用絲帶做底。
弄了一個紅色圓形底出來之後，就貼白色蕾絲上去，之後就將上述的材料自由組合，我純靠個人感覺同網上睇別人的作品去做，無參加過任何DIY班，自己用熱溶槍亂咁貼晒上去就完成了！其實最難係買材料，跟住貼上去都無咩技巧可言。

結果材料夠整左兩個出來，一個主要玩布的感覺，另一個就玩閃閃的感覺。

之前的鞋夾終於同對二手褂鞋合體了！ 咁就變成全新的獨一無二褂鞋啦！

然後又新出了一堆剩下的DIY素材……唉，沒完沒了…

再之前還用剩下的絲花整了個頭飾，可以用係28/7的非正式PW上使用。下面張相的頭飾同整花球的道理一樣，又係用綠貼同鐵絲加長朵花，然後縛落個梳度，好簡單就完成了。

還有再整了一個可以平日出街用都得的頭飾。(當然又係花球餘下的絲花整的)

雖然有很多DIY，但偏偏很多人選擇去做的DIY我卻無做(例如結婚証書套) 另一樣就係帖的封口！吾，嚴格來說算是半個DIY吧！有關帖的封口，有很多不同DIY做法，但我最近見到wow友整的火漆印已經覺得太誇張……原本一心想做擊突的金色貼紙，但成本都幾貴，有淘寶做又要1000起印。雖然改去造一個壓印再買金色貼紙自己做都可以。但最後我唔想再花太多時間做這方面的女工工作，所以唯有再係淘寶其他店想辦法，結果比我揾到一間做熨金貼紙的店！雖然無左擊突效果，但可以做熨金及自來稿件設計，而且最重要我覺得價錢都可以接受，印600個不規則形狀的3mmx3mm貼紙加埋郵費都只係118元人仔，抵玩！收到貼紙後我的DIY回禮禮包工作可以進行簡單packaging了！