其他 王女雜記

婚後小嘗試 – 首次影相練習大成功

2014.04.08 | 生活: :作品: :其他: :日常閒事 Leave a Comment

之前在wow搞了一次招募去影相~雖然中間出了問題,但最後都找到一對wow b2b同我地去拍攝!原本活動是30/3進行的!但那天大家都記得是黑雨!還出了個又一城水上樂園!(我每天返工都必經此地) 所以都很慶幸最後改了拍攝日期到清明節!雖然延遲了一星期,卻等到了很理想的天氣!

幸好大家都不用在這天拜山,而且這天是多日雨天之中的一日大晴天!真是天公造美,陽光好到不得了!

由於Circle同我住同一區,所以我地約左係火車站一齊搭車去大埔,後來老公還提議了一起吃午餐大家一齊認識一下順便熱熱身,所以我們就去了富善M記一齊食午餐。當日老公的朋友也有來幫我們(我之前去影PW都幫了我拍片而且還是婚禮的兄弟!真係好夠朋友呀!我常常話請佢食返飯都話唔洗……)

雖然只係做拍攝,但我地帶的用品比Circle還多,連腳架閃燈架乜都帶定,還有大量props(為求拍到我心目中的畫面,我真係乜都出齊。不過老公最誇張,拍攝前一天還走了去買n個檸檬……現在天天都要諗下整乜菜式同檸檬有關……)

當日我地由M記開始拍,之後邊行去大埔海濱公園邊拍,Circle同佢男朋友阿陸都好投入,唔洗點教擺pose,心情輕鬆去拍攝果然是最好。最搞笑係公園門口遇到一位嬸嬸,還以為我們幾個係遊客,向我們介紹回歸塔? 可能我同老公著得太似旅客掛,因為我地當日戴晒草帽,成身郊遊look咁去影相!哈哈!我諗住影完再自拍架!不過最後太累都係回家休息算……

其實大埔海濱公園真係好好影,影左三小時都未影得晒我心目中想要的場景。不過最重要的野餐相影到了!好開心呀!回家看到相片,部份相我覺得老公真係影到同出面的攝影師一樣咁靚呀!!不過當然也有部份唔專業的對錯焦相……不過我覺得佢只係第一次同人影,而且佢只係去工聯會學影相,又拎住部佢阿哥唔要的入門單反機去影都影到咁,我已經覺得佢係天才!!同埋佢都幾識搞氣氛,看來他好有潛質做專業攝影師

至於我當日原本應該去做LA同妹仔工作(我唔識化妝,做唔到化妝師架啦!幸好Circle自己化了妝去影),不過因為老公兄弟來左幫佢,我就可以專心做美指同拍花絮的工作!當然,後製相片工作一定要由我來操刀啦!(其實我老公都識執,只係我比較喜歡做後製工作罷)

最後都係度多謝Circle同阿陸的信任,比我地自由發揮,又不怕陽光猛烈,希望你們喜歡我們為你地拍的相啦!

好啦,在這裡出幾張相比大家睇吧!想睇更多就自己揾岩地方入去睇啦!我呢排會慢慢upload上去的。未來應該仲會再會搞多次招募影相的,如果大家有興趣就自己入我個地頭留意啦!

有空請讚讚我的專頁︰http://www.facebook.com/somepigdesign

1st Pre-Wedding相冊

2013.01.28 | 生活: :作品: :其他: :婚嫁籌備 Leave a Comment

不經不覺距離影第一輯free pre-wedding相已經係三個月前的事,中間經過多次排版最後竟然變成了排長方形……(因為一直都想排正方形) 其實因為覺得呢輯相真係影得馬馬,所以便試下用團購ko佢。因為見到團購守則整正方形要加錢所以便改做長方形,不想為這輯相大灑金錢……最後還把自拍相都加埋入去,加了三版,團購埋單都要四舊水真有些肉痛。結果我個人覺得質素一般,不是團購不會幫襯,不過個封面我真係好鍾意!

整個排版最喜歡的一頁竟然是自拍相?我真係好鍾意呢幅牆,原本應該出現係Larry輯相入面,但我發現Larry影這些街頭相很弱,拍這裡同尖東街頭夜景都拍不出我想要的效果,取景及擺的pose都很不自然好無街頭feel……但我真係好喜歡這幅牆,任性的我最後又要Brian陪我出去自拍返我想要的效果,結果素顏加沒有婚紗,但拍到自己想要的sweet,好開心!而且呢個景係我多張自拍相入面比較麻煩的,因為腳架要set在馬路對面,中間會有車經過,路人也比較多,我地又無摇控器真係按完十秒自己走過馬路去擺pose,所以都影左好耐先有一兩張滿意,最後影到警察都走過來望就係呢張相啦!

呢頁其實原本張相的構圖都幾靚,但問題係放落相冊去看個效果就馬馬,因為兩個人一左一右,所以排左好多次再加埋專業人士指導先排到滿意的效果,結果出來的確比其他頁較為特別。

Larry哥哥輯相都排好左,希望效果ok吧!始終夾雜埋自己執的相入去,希望不會有太明顯的色差。

Berttiny & Sam’s Wedding

2012.10.02 | 生活: :作品: :其他: :日常閒事 Leave a Comment

這是最新的Wedding作品,不過就是做到黑面的一次……其實主要是做中學同學的Wedding logo同invitation card,不收分毫,但也不用改完又改,而且個人的設計理念同Berttiny有出入,所以最後自覺是美術設計員,做她想做的便算了……而且不想失感情才是重要嘛!但總算完成了,所有design,包括invitation card的size都由Berttiny決定,以最便宜尺寸解決,我諗我自己做時都會從這個慳錢方向出發。看我影pre-wedding就知我完全是從錢與最好質素的平衡角度出發!

不過在她的婚宴上見回很久不見的Maggie也很開心,她跟我一樣明年結婚,不過會是十二月尾!祝福你啊!大家也要一起加油!也祝Berttiny同Sam新婚快樂!


Suzanna & Tommy’s Wedding

2012.10.02 | 作品: :插畫: :其他 Leave a Comment

其實他們兩個人的婚禮才是我第一次做wedding design產品,也是我第一次做人姊妹,但由於他們budget所限,所以我無機會著姊妹衫,一切自行處理。但到自己搞化妝才知道有幫姊姊化妝這回事……但這次的經驗讓我覺得姊妹唔化妝都無乜問題呀?Tommy & Suzanna是我教會的弟兄姐妹,不是認識很久,但見證到Tommy的搞笑求婚和婚禮也很有趣,但他們也搞得較急,只用了九個月來籌備。詳情可以自己追索我2009年10月的post。因為覺得有趣所以便自薦幫他們做wedding invitation card及教堂程式表。

由於當年不是很懂平面設計,經驗不足,主要用素材做,但現在發現坊間很多話幫人做wedding logo design的designer基本上一樣係用素材,所以我諗我都可以接同類jobs,只是一直太懶沒宣傳吧!我肯定做得好過出面的啦!XDDD 由於這兩位新人對設計無任何要求,結果我很開心地完成了這些簡單設計,不過原本手畫他們兩人的肖像最後無出到……因為自己覺得不夠grand。


Kitty and Alton’s Wedding

2012.10.02 | 作品: :其他 Leave a Comment

呢排開始不停post wedding的籌備blog,其實我這幾年都有一些相關的wedding作品的!只係因為全部都係友情作品,所以我都沒怎樣計落做portfolio。

婚嫁呢行其實競爭好大,個人認為做freelance比做全職好,全職的話大佬同我計過每個月營業額都要接到好多jobs先夠養妻活兒,所以我成日唔明金都那些鋪究道出到咁平係點賺錢的!

不過係婚嫁出友情牌都好易會有反面的可能,早前幫朋友設計Wedding Logo都做到開始黑面,所以下次都係要定好準則先幫朋友啦!

之前都有諗過揾大佬幫我影big day,但我同佢係2p 2v同2p 1v上有意見分歧,最後佢都驚同我鬧交叫我諗清楚先,所以我覺得都係揾唔識的freelance做比較好……

老實講,因為自己識做某些wedding的東西如排版,執相,剪片之類,所以慳得就慳啦!我知人地要賺,但我都要慳,站到客人的角度時就會想起自在設計師角度時好想分享的錢、快及靚的鐵三角圖片!

以下是網友小山的結婚成長片段,有幸見證她們相識的那天,雖然他們的婚宴沒有正式參與,但幫她做左條片都叫做左野啦!哈哈!想不到兩年後發現他老公也認識我教會一位姊妹呢!又在另一場婚禮上碰面。

專業人士不要學我,竟用flash去做條片!Fly me to the moon在那段日子不停在我腦內轉來轉去!